AD

AD

saepe locorum nominibus praeponitur, ex familiari loquendi formula, quâ nos ire ac pergere dicimus ad quaedam loca: cuiusmodi exempla passim proferunt Itiner ar ia vetera Antonini et Hierosclymitanum et Peutingeri Tabulae. Ita apud Marcellinum l. 27. Mediolani locus occurrit ad Innocentes appellatus: Et Pontes in Pictonibus casturm, ad Pontes vocari scribit Anonymus in Miraculis S. Eutropii Episc. Santonenis n. 22. Eôdem loquendi more recentiores Graecos loqui, ostendit Car. du Fresne in Descript S. Sophiae num. 18. qui et Dafnense Palatium ad Antiochiam, ἐπιδάφνην dictum, quasi ἐπὶ την` Δάφνην, credere iubet. Sic docet Sponius in Itiner. Graeciae, Thebas Stiva, Constantinopolim Stimbol vel Stanbol, Lemnum Insulam Stalimeni Athenas Satina, a peregrinis vocari per errorem; cum incolae S' tiva, S' timbol, S' ti Lemnos. S' Athina quidem pronuntient, cum iter ad haec loca indigitant, pro εἰς Tiva, εἰς την` πόλιν, ἐς την` Λήμνον, εἰς Α᾿θην´ας: alias Thebas Thiva vocent etc. Adde supra, si placet, Theosterictum in Vita S. Nicetae Hegumeni num. 28.